VISE-MINISTRA HALO ENKONTRU HO ADTL
Vise-Ministra Solidariedade Sosiál no Inkluzaun, Signi Verdial, hala’o enkontru ho Asosiasaun Defísientes Timor-Leste-ADTL, iha Edifísiu Setrál MSSI, Kaikoli-Dili, Loron Sexta-Feira, (03-08-2018).
Vise-ministra, Signi verdial hato’o katak, enkontru ida ne’e ho nia Objetivu oinsá bele tau atensaun másimu ba ema ho defisiénsia iha Timor Leste. “Ha’u orgullu teb-tebes hanesan inisiativa di’ak ida ne’ebé hosi Asosiasaun Defisiénsia Timor Leste -ADTL, ne’ebé hatudu ona atu esplika kona-ba ita nia programa VIII Governu Konstitusionál, ne’e prioridade ida nomós ratifikasaun ba konvensaun ba ema ho defisiénsia ne’e rasik, ita hatama ona iha ita nia prioridade ida no haree mós iha fasilidade sira ne’ebé ita fó hanoin ona ba Ministériu Obras Públiku- MOP katak, infra-estruturas ida ne’ebé ita halo presiza dezena mós inklui fasilidade ida ne’ebé fasilita ita nia ema ho defisiénte sira”, dehan vise ministra.
Tuir Vise-Ministra, iha ministériu rasik agora dadaun diskuti hela lei orgániku ministériu nian, iha liafuan ida Inkluzaun, ministériu rasik mós iha departamentu ida tau atensaun ba iha liafuan ida inkluzaun ne’e hodi tau matan ba ita nia ema ho defisiénsia, ita nia labarik feto sira ne’ebé hetan vítima hosi violénsia domestika, iha mós hanoin ida katak, ami nia diresaun hirak ne’e, enkaixa ba ita nia nesesidade ne’ebé ita iha, ami sei hanoin atu kontinua hosi naran ministériu solidariedade sosiál no inkluzaun no mós Diresaun presiza enkaixa diresaun ida hodi haree ba iha parte inkluzaun nian ne’ebé kobre ba ita nia Feto, Labarik, Defisiénsia, vítima nomós vulneravel sira seluk, dehan Signi Verdial.
Vise-Ministra hatutan liu tan, kona-ba polítika adulsensia nian, “Hau dehan, ita sei haree rasik hosi ministériu nia naran ida Inkluzaun ne’e, ezemplu ita iha komprimisiu bo’ot atu kontinua tau nafatin atensaun bo’ot ba iha ita nia grupu sira ne’ebé ita konsidera vulneravel, ita nia ema ho defisiénsia mós hatene katak ida ne’e laós prosesu fasil atu moris iha sosiedade ida no ba família rasik mós kustu ida bo’ot teb-tebes atu haree maluk ida ho defisiénsia”, tanba ne’e iha mós hanoin balu katak oinsá ita atu tau atensaun ba ema ne’ebé haree ema sira ho defisiénsia, agora dadauk ne’e la iha, governu la tau atensaun, dala barak família barak mak sai sofre haree sira nia família, ita mós iha hanoin ida katak oinsá ita valoriza ema sira ne’ebé mak labele ba halo atividade seluk maibe sira tenki hein maluk sira ne’ebé mak ho defisiénsia, ida ne’e mós governu hanoin ona, deklara Verdial.
